700 илјади евра. Толку пари планира да потроши општината идната година за уредување на градежното земјиште. Ќе се асфалтираат и бетонираат улици, ќе се поставуваат заштитни огради а пари се предвидени и за изградба на тротоари. Локалните власти ја изработија првичната верзија на програмата за уредување на градежното земјиште.

Локалната самоуправа идната година планира и поправки на патиштата до селата С’лп и Чолошево. Со програмата се предвидува и поправка и изградба на тротоари на улиците Крсте Мисирков, Сутјеска и Љубљанска.

Изградба на тротоар на Љубљанска беше предвидена и во програмата за годинава, но проектот не се реализираше.

Со пари од општинската каса предвидена е изгрдба на пешачки мост на улицата Кумановска над железничката линија Велес – Битола.

Изградба на паркинзи во градскиот парк и пред црквата Свети спас, изградба на улица во населбата Хабитат и попрвка на тротоарот од трговскиот центар до железничарската зграда се дел од другите активност предвидени со програмата за уредување на градежно земјиште.

Нејзината нацрт верзија е готова и неа првин ќе ја разгледуваат советниците на седницата во понеделник а долгогодишна пракса е со неа да се запознаат но и дa дадат свој предлог урбаните и месни заедници.